Fernsehbestand Il Balcun tort

Il Balcun tort – l’emprima emissiun rumantscha da televisiun - è vegnì emess ils 17 da favrer 1963. L’emissiun ha chaschunà discussiuns. Ils rumantschs eran loschs d’avair finalmain ina atgna emissiun, han dentant era crititgà quella. La reportascha da la Lumnezia na plascheva als Engiadinais perquai ch’els n’eran betg preschents en l’emissiun, la moderaziun ladina irritava ils Sursilvans perquai ch’els na chapivan betg propi quest idiom.

Las emissiuns dals emprims onns mussan usits e tradiziuns, musica, art e litteratura. A partir dal 1966 è da vesair cun la rubrica “Cronica grischuna” ina tscherta structura en l’emissiun. Era qua dominavan dentant rapports dal Grischun tradiziunal. Willy Walther, collavuratur da lez temp: “Nur mit den Konfessionen musste man aufpassen. Am besten zeigte man die Kirche nicht gross. Religion aus historischer Sicht schon gar nicht. Die Bündner Wirren waren absolut tabu».

Il svilup economic ed ils novs moviments socials da quai temp chattan ins strusch en il “Balcun tort”. Pir a partir dal 1969 ha lura in nov concept manà a d in schlargiament da las tematicas en il Balcun tort.

Ulteriurs rubricas e formats en il Balcun tort: Mosaic grischun, Cronica grischuna, Testas finas, Dal parlament, Contacts.