L’emissiun Palaver è stada dal 2011 fin 2017 en il program da RTR. En differentas cumposiziuns discuteschan persunas da l’actualitad sur dals temas da l’emna. Il titel da l’emissiun è program. I vegn discutà davart temas actuals, cun u senza giast, i vegn disputà, argumentà e commentà.
La lingua spievla nossa vita da mintgadi, novas realitads sco era nossa cultura ed istorgia. Perquai decleran linguistas e linguists mintga mardi, co che noss linguatg sa mida, danunder che pleds derivan e tge che pudessan esser bunas noziuns u modas da dir per descriver in nov fenomen. Ina rubrica dad RTR en collavuraziun cun il Dicziunari Rumantsch Grischun (DRG).
In curt text litterar quotidian. Istorgias vairas u bain inventadas. Texts leghers, poetics, trists, experimentals, meditativs, critics e savens cun ina pointa persunala. «Impuls» èn scrits e legids dad auturas ed auturs rumantschs e mintgatant è il «Impuls» era in text translatà d’autras linguas.
Minisguard è l’emissiun d’infurmaziun per uffants. Ella dat ina survista da quai che succeda en la regiun, en il chantun e sin il mund. Tge capita cun ils peschs sch'il chametg dat en l'aua? Pertge san las flurs cura ch'ellas han da flurir? RTR elavura temas relevants da la politica, da la cultura e dal sport uschia ch’uffants pon chapir quels.
Radio RTR raporta da quai che capita sin noss mund - dal mund local en nossas vals enfin sin il livel internaziunal. Nus infurmain, declerain, approfundain ed analisain. Nus raquintain a vus tut las istorgias actualas e relevantas or dals champs politica, economia, cultura, ambient, societad, sport e boulevard. Tenor noss motto: «Al puls dal Grischun»
L’emissiun focusescha e reflectescha in tema. Ella dat in cuc davos las culissas, explitgescha e metta en context, saja quai fenomens novs e nunenconuschents, ubain istorgias che paran a prima vista enconuschentas.
1977 cumpara l’emprima emissiun “Scuntrada rumantscha” sur da la fabrica da ponn a Trun. Bunamain 1000 emissiuns suondan fin il 1997 e tematiseschan cultura, economia, religiun e societad en il Grischun.
Sco emprim tgirader da program en uffizi cumplain e cun domicil e plazza da lavur en il chantun Grischun vegn Tista Murk, da lezzas uras president da la CRR, engaschà. Ils 9 d'october 1957 datti l'emprima emissiun «Viagiond cul microfon» da Tista Murk, in'emissiun d'infurmaziun d'ina mes'ura l'emna...
