L’ura da religiun è ina oasa da tempra religius-meditativa. Cuntegn: verset meditativ-religius, predi/meditaziun, novitads or dal mund da las religiuns, contribuziun davart rituals, dumondas fundamentalas da la vita umana, discussiuns etic-religiusas u ils temas che fatschentan actualmain la differentas baselgias. Ils impuls da la dumengia concludan l’ura.
L’emprima contribuziun da «Radioscola» cun il titel «Las cristallas» da pader Flurin Maissen vegn emessa ils 27 da schaner 1955. Il medem onn suonda anc ina segunda emissiun da Jon Vonmoos: «Las funtaunas mineralas da Scuol e Tarasp». Quest onn èn tranter auter era vegnids emess dus gieus auditivs: «L'ura da Frederic il Grand» da Men Rauch e «Ramora» da Leza Uffer...
Durant in’ura porscha il Profil biografias, destins, istorgias ed experientschas dad umens e dunnas, giuven e vegl, da prominents u simplamain da persunas ch’han da dir e da raquintar insatge. Durant ils ultims 25 onns ha il Profil laschà vegnir a pled var 1’300 persunas, ed anc adina n’èsi nagin problem da preschentar sonda per sonda novs giasts interessants.
Daco pudessan era ils Partenzers chantar: „A Grüsch rivà pro l’ustaria“, tge vul dir il num Praseria, Prasüras e Parsiras, propi „prà sura“ u insatge tut auter? E daco èn ils Bierts, Bertoggs, Tramèrs e Bärtschs en sasez tuts parents?Chasper Pult declera mintg’emna nums e pleds, lur derivanza sco era las istorgias interessantas che sa zuppan davos quels. Pleds dattan perditga da noss mund cultural-istoric e tradeschan era bler da quels e quellas che dovran e han furmà els. L’emissiun proscha in’invista èn las atgnadads linguistic-culturalas dal mund rumantsch e metta quellas en in context pli global.
Da 1984 fin 1993 preschenta il Radio Rumantsch en bunamain 1500 emissiuns mintg’emna persunas ord la Rumantschia che raquintan sur l’atgna vita. Quella ritscha da purtrets vegn remplazzada a partir dal 1994 da l’emissiun Profil ch’è anc on en il program da RTR.
Il Magazin da cultura preschenta e spievla la cultura grischuna/rumantscha a moda profunda, reflectanta, prospectiva e da "longue durée". Litteratura, architectura, art, saut e musica - il Magazin da cultura tracta tut las spartas culturalas. Supplementarmain datti er tips per eveniments e publicaziuns ch’ins na dastga betg manchentar.
Il Balcun tort – l’emprima emissiun rumantscha da televisiun - è vegnì emess ils 17 da favrer 1963. L’emissiun ha chaschunà discussiuns. Ils rumantschs eran loschs d’avair finalmain ina atgna emissiun, han dentant era crititgà quella. La reportascha da la Lumnezia na plascheva als Engiadinais perquai ch’els n’eran betg preschents en l’emissiun, la moderaziun ladina irritava ils Sursilvans perquai ch’els na chapivan betg propi quest idiom...
L'emissiun d’infurmaziun quotidiana en lingua rumantscha. II Telesguard rapporta da schabetgs en la Svizra, en il Grischun sco era davart ulteriurs temas relevants. Was bewegt Graubünden und die rätoromanische Schweiz? Telesguard bietet den Überblick über die aktuellen Nachrichten aus Graubünden mit Beiträgen, Nachrichten & Reportagen.
Cuntrasts mussa films documentars curts da 25 minutas cun in spectrum tematic vast e varià. Ils Cuntrasts reflecteschan e preschentan temas, midadas, svilups e moviments ord il mintgadi rumantsch. L’emissiun documentescha la cultura rumantscha e grischuna ed accentuescha la dimensiun istorica.
Il Controvers è l’emissiun da RTR nua ch’i vegn discutà davart temas actuals, cuntravers e politics. Il moderatur beneventa mintgamai 2 fin 4 giasts en l’emissiun e maina ina discussiun controversa.
