Radio RTR raporta da quai che capita sin noss mund - dal mund local en nossas vals enfin sin il livel internaziunal. Nus infurmain, declerain, approfundain ed analisain. Nus raquintain a vus tut las istorgias actualas e relevantas or dals champs politica, economia, cultura, ambient, societad, sport e boulevard. Tenor noss motto: «Al puls dal Grischun»
L’ura da religiun è ina oasa da tempra religius-meditativa. Cuntegn: verset meditativ-religius, predi/meditaziun, novitads or dal mund da las religiuns, contribuziun davart rituals, dumondas fundamentalas da la vita umana, discussiuns etic-religiusas u ils temas che fatschentan actualmain la differentas baselgias. Ils impuls da la dumengia concludan l’ura.
1977 cumpara l’emprima emissiun “Scuntrada rumantscha” sur da la fabrica da ponn a Trun. Bunamain 1000 emissiuns suondan fin il 1997 e tematiseschan cultura, economia, religiun e societad en il Grischun.
L’emprima contribuziun da «Radioscola» cun il titel «Las cristallas» da pader Flurin Maissen vegn emessa ils 27 da schaner 1955. Il medem onn suonda anc ina segunda emissiun da Jon Vonmoos: «Las funtaunas mineralas da Scuol e Tarasp». Quest onn èn tranter auter era vegnids emess dus gieus auditivs: «L'ura da Frederic il Grand» da Men Rauch e «Ramora» da Leza Uffer...
L’emissiun focusescha e reflectescha in tema. Ella dat in cuc davos las culissas, explitgescha e metta en context, saja quai fenomens novs e nunenconuschents, ubain istorgias che paran a prima vista enconuschentas.
Sco emprim tgirader da program en uffizi cumplain e cun domicil e plazza da lavur en il chantun Grischun vegn Tista Murk, da lezzas uras president da la CRR, engaschà. Ils 9 d'october 1957 datti l'emprima emissiun «Viagiond cul microfon» da Tista Murk, in'emissiun d'infurmaziun d'ina mes'ura l'emna...
Il Magazin da cultura preschenta e spievla la cultura grischuna/rumantscha a moda profunda, reflectanta, prospectiva e da "longue durée". Litteratura, architectura, art, saut e musica - il Magazin da cultura tracta tut las spartas culturalas. Supplementarmain datti er tips per eveniments e publicaziuns ch’ins na dastga betg manchentar.
Daco pudessan era ils Partenzers chantar: „A Grüsch rivà pro l’ustaria“, tge vul dir il num Praseria, Prasüras e Parsiras, propi „prà sura“ u insatge tut auter? E daco èn ils Bierts, Bertoggs, Tramèrs e Bärtschs en sasez tuts parents?Chasper Pult declera mintg’emna nums e pleds, lur derivanza sco era las istorgias interessantas che sa zuppan davos quels. Pleds dattan perditga da noss mund cultural-istoric e tradeschan era bler da quels e quellas che dovran e han furmà els. L’emissiun proscha in’invista èn las atgnadads linguistic-culturalas dal mund rumantsch e metta quellas en in context pli global.
Cuntrasts mussa films documentars curts da 25 minutas cun in spectrum tematic vast e varià. Ils Cuntrasts reflecteschan e preschentan temas, midadas, svilups e moviments ord il mintgadi rumantsch. L’emissiun documentescha la cultura rumantscha e grischuna ed accentuescha la dimensiun istorica.
Il Controvers è l’emissiun da RTR nua ch’i vegn discutà davart temas actuals, cuntravers e politics. Il moderatur beneventa mintgamai 2 fin 4 giasts en l’emissiun e maina ina discussiun controversa.
L’emissiun Palaver è stada dal 2011 fin 2017 en il program da RTR. En differentas cumposiziuns discuteschan persunas da l’actualitad sur dals temas da l’emna. Il titel da l’emissiun è program. I vegn discutà davart temas actuals, cun u senza giast, i vegn disputà, argumentà e commentà.
Il Balcun tort – l’emprima emissiun rumantscha da televisiun - è vegnì emess ils 17 da favrer 1963. L’emissiun ha chaschunà discussiuns. Ils rumantschs eran loschs d’avair finalmain ina atgna emissiun, han dentant era crititgà quella. La reportascha da la Lumnezia na plascheva als Engiadinais perquai ch’els n’eran betg preschents en l’emissiun, la moderaziun ladina irritava ils Sursilvans perquai ch’els na chapivan betg propi quest idiom...
