Fernsehbestand Telesguard

L’emissiun d’infurmaziun "Telesguard"  remplazza  l’onn 1980 la "Cronica grischuna" entaifer  il "Balcun tort". Il num “Telesguard” derivava da Hendri Spescha, a partir dal 1978 redactur e moderatur da la Televisiun Rumantscha. Mintga sonda rapporta quest format durant 10 minutas sur da las actualitads ord las regiuns rumantschas. Cunquai survegn la Rumantschia  finalmain sia emissiun d’infurmaziun regulara che tracta tut ils temas da l’actualitad. A la moderaziun han ins dà dapi la bell’entschatta gronda paisa. Il 1994 survegn l’emissiun d’infurmaziun dapli temp d’emissiun.  Trais giadas l’emna è l’emissiun da vesair sin il chanal da la televisiun DRS, e quai era cun suttitels tudestgs. In ulteriur schlargiament datti l’onn 2005. Davent da lura è il "Telesguard" in format quotidian (glindesdi – sonda)  cun ina lunghezza da 10 minutas. 2010 vegn l’ediziun da la sonda remplazzada cun il format d’infurmaziun per uffants, il "Minisguard". Il "Telesguard" è anc oz la marca per infurmaziuns ord il mund rumantsch e grischun.