Fernsehbestand Svizra Rumantscha inklusive Muschkito

L’emissiun “Svizra rumantscha” succeda 1980 al “Balcun tort”. Durant 45 minutas ina giada al mais reflectescha ella  la vita, cultura e lingua dals rumantschs cun contribuziuns, sketchs e discussiuns. Entaifer la “Svizra rumantscha” devi plirs formats: Contacts 1980-1982, Dai, dai, dai 1984 – 1986, Direct da 1987 – 1993, Muschkito 1990-1993,  Péz a cup 1990-1996, Tschà 1994, Dumondas da 1994-1995, Il Tavulin 2004-2010, l’album 2010-2012. Cunzunt il format satiric “Muschkito” (il guegl en la charn dals rumantschs) ha procurà ils onns 90 per discussiuns publicas animadas. Il squitsch davos las culissas è daventà uschè grond che l’emissiun è vegnida stritgada.  “Cun la Svizra rumantscha (ed il Telsguard) essan nus ans deliberads definitivamain dal image dal <bluemete Trögli>”, ha il manader da ressort da lez temp Giusep Decurtins detg. A partir dal 1990 vegn la “Svizra Rumantscha emessa mintga 2 emnas, a partir dal 1994 mintg’emna.